قضايا و حوادث بعد وفاة ابن الناطق الرسمي باسم وزارة الداخلية بصعقة كهربائية بشاطئ الشرف: إعلامي يطلق صيحة فزع ويحذّر من هذه المخاطر
توفي عشية أمس الأربعاء 8 أوت 2018، الطفل آدم الزعق ابن العميد سفيان زعق الناطق الرسمي لوزارة الداخلية والبالغ من العمر 8 سنوات، وذلك في حادث أليم تمثّل في إصابته بصعقة كهربائية أودت بحياته وذلك باحدى استراحات البحر المؤقتة الموسمية بمنطقة الشرف من معتمدية البقالطة ولاية المنستير.
في هذا الإطار أطلق الإعلامي صالح السويسي صيحة فزع تحدّث من خلالها عن مخاطر الانتصاب الفوضوي في الشطوط خاصة في جهة الشرف اين قضى الطفل نحبه، وقال في تدوينة نشرها على صفحته الخاصة مايلي:
"رحم الله ابن العميد سفيان الزعق وربي يصبّر بوه وأمو وعائلتو كنا برشا مرات نبّهنا تحدثنا عن الانتصاب الفوضوي في الشطوط وخاصة في جهة الشرف والبغدادي وفي كل مرة يسبّونا ويسمّعونا ما نكره ويقولوا علينا قطّاعة ارزاق وخلي الناس تخدم وتاكل الخبز وهات من هاك الحديث الناس الكل تعرف إلّي أغلب المستغلّين للملك البحري ماهمش موفّرين أبسط قواعد السلامة ولا الصحة ولا غيرو ومع ذلك الناس الكل مطفّين عليهم الضو (أمن وحماية ومصالح الصحة والشرطة البيئية والـ STEG والبلدية والمعتمدية والولاية و... و...) قال شنوّا ناس تاكل في الخبز باهي هاو طفل صغير ملائكة مشى ضحية الإهمال المشترك وتوّا زعما بش ياكلها مولى القهوة وحدو كيما تعودّنا في بلادنا ولا كل الأطراف بش تتحمّل مسؤوليتها؟؟؟ هذا السؤال الكبير والحارق والمؤلم الّي نستنّاو الإجابة عليه خلال الأيام القليلة القادمة خاطر أرواح أولادنا ماهيش رخيصة يا مسؤولين يا مهملين ----------- مرة أخرى ربي يرحم ولد خونا سفيان وربي يصبّر عايلتو ويقوّيهم وربي يهدي المسؤولين في كل بلاصة بش يكونوا بالحق قد المسؤولية".
وللتذكير فقد أذنت المحكمة الابتدائية بالمنستير بفتح بحث تحقيقي لتحديد المسؤوليات حول الطفل آدم الزعق ابن الناطق الرسمي باسم وزارة الداخلية العميد سفيان الزعق..
